Álex está bloqueado. Trata de entender o seu lugar no mundo, a súa masculinidade, o seu papel nos coidados, os ruídos nos soños do seu avó.

Traballa audiodescribindo filmes para persoas con discapacidade visual. O seu avó ten máis de cen anos e hai meses que un ruído perturba os seus soños. Xa non sabe diferenciar sono e realidade.

Lucía é cega de nacemento. Axuda a Álex amosándolle como percibe, como soña, como sente. Álex precisa sentir.