En plena pandemia do coronavirus, Ximena amence con moita fame. Outra mañá máis, as súas accións repítense como nun mal chiste. Outro día da marmota transcorre, ata que un pequeno pormenor o cambia todo: levar unha tixola vella ao punto verde. Ao longo desta epopea surrealista, Ximena cruzarase cunha tartaruga, unha banda de música balcánica, un mimo disfrazado de gaivota, un vendedor de panos e ata un empresario arrogante cun ego tan grande como a súa falta de educación. Un desafortunado atranco torna a rutina en carne para a frixideira, nunha eclosión chea de sangue, humor negro e moita música.