O fío condutor deste documental parte do libro Siembra y memoria. Muerte y evocación de un médico republicano, escrito por José Luis Díaz, sobriño do protagonista. José Luis iniciou a investigación da vida do seu tío a partir da descuberta dunha nota manuscrita en lapis que de forma casual atopou entre documentos familiares no ano 1978.

Esta nota dicía: «No 11 de setembro de 1936, matáronme a Manoliño os fascistas». Esta nota fora escrita polo pai do médico asasinado e avó de José Luis, que intuíu que a morte do seu tío estaba aínda envolta nunha espesa néboa que, como se di no rural galego, desexaba que levantase.