París 70 é unha historia positiva e optimista de amor familiar entre un fillo e unha nai con demencia. A trama céntrase en Jan, un coidador inexperto que, para aliviar o sufrimento da súa nai, recorre ás mentiras brancas e emprende unha viaxe emocional cara a París a través das lembranzas familiares.

Unha conmovedora curtametraxe protagonizada por Luisa Gavasa, Alain Hernández e Neus Asensi que foi preseleccionada nos premios Óscar de 2025 da academia americana e nominada aos premios Goya de 2024 da academia española. Estreouse internacionalmente no Festival de Cine de Heartland nos Estados Unidos e gañou máis de 150 premios internacionais, incluída unha Mención de Honra do xurado no Festival de Cine de Cleveland, nos Estados Unidos.