Carmen é unha nena de sete anos criada pola súa nona italiana.

París 70 é unha historia positiva e optimista de amor familiar entre un fillo e unha nai con demencia.

Un neno xoga coa súa cámara super 8, cando de súpeto todo se torce... Cuadro é unha curta dura e visceral sobre os traumas da infancia. De como nos cambia e destrúe para logo refacernos en algo totalmente diferente.

En casa de Marta cómense ostras decote e, de cando en vez, xorde algún que outro incidente. Ela sacrifícase para compracer os que a rodean e miran só polo seu interese persoal e os seus caprichos. A pesar de todo, non perde o seu sorriso.

Mentres sobrevoa o barrio, un drone atópase cun momento que ninguén debía ver e cunha persoa que esperaba que ninguén estivese mirando.

Maio de 1970. En Yungay, unha cidade da serra de Perú, a tranquila vida de Mateo, un neno de once anos, e a do seu inseparable can, Lepanto, vese alterada cando comezan a percibir cousas estrañadas á súa volta.

O gran director de cinema de animación, Hayao Miyazaki, anuncia a súa retirada definitiva. Pero as musas da inspiración teñen outros plans para el…

Cando morrer é unha forma de vida.

Ao rematar as vacacións de verán na súa aldea, unha familia prepárase para a viaxe de volta á casa en coche. Unha viaxe que pode facerse moi, moi longa.

Olivia, unha moza transexual, prepara as maletas para marchar á súa vila na véspera das festas de San Xoán.

Durante a tranquilidade dunha tarde na montaña, dous amigos, un rapaz e unha rapaza, xogan a verdade ou reto. Consonte intercambian desafíos e palabras, vanse introducindo nunha espiral crecente de emocións íntimas.

Apagada é unha curtametraxe que explora dous temas de gran relevancia social: a violencia de xénero e a saúde mental no co

Lourdes, unha xenerosa e falangueira nena de doce anos que axudaba a súa irmá a preparar unha festa, escribe un email de vinganza ao descubrir que non está convidada.

Pedro é un inmigrante que loita por se adaptar a un novo país.

El bosque intraducible é unha curtametraxe experimental que vive no medio da animación, o surrealismo, o ensaio visual, o documental, os títulos principais e unha advertencia sobre o noso terrible futuro.

Jaume, un director de xornal de 55 anos, acaba de xantar coa súa muller, Laura, de 45, na terraza dun restaurante con vistas ao mar en Fornalutx, Mallorca. É o día 25 de xullo.

Nun enfrontamento privado entre magos, dous practicantes deben encarar desafíos complicados para probar unha habilidade oculta. Conxuran ilusións animais e enfróntanse coa elección entre antagonismo e amizade.

O dó é o estado máis sublime de desamor, porque o ser amado xa non está. Foise, e as lembranzas vólvense esquivas e caprichosas. Por iso, a súa roupa e os seus zapatos deben permanecer intactos no armario.

Un guionista afronta unha nova historia: un noir con ecos hustonianos. Un obxecto precioso, un asasino, un morto e unha muller fatal nun conxunto que chisca un ollo ao metacinema.

Un neno de nove anos sente o deber de coidar a súa irmá menor en todo momento, o cal lle carrexa problemas ao se relacionar cos seus amigos do colexio, que non queren admitir nenas nos seus xogos.

Marciano García, un home con síndrome de Down, encontra na súa fantasía de converterse en astronauta a escusa perfecta para non afrontar a morte do seu avó.

Carmen e Rocío pertencen a unha liñaxe de lavandeiras que dende hai varias xeracións baixan diariamente ao río para lavar as roupas da vila.

Unha moza decide atracar a ferraxaría do seu barrio para emular os seus ídolos do cine quinqui.

Sofía ten un bar que herdou dos seus pais no seu barrio de toda a vida. Un día vese na obriga de socorrer a Manuel, cliente habitual do bar, que foi vítima dun asalto.

Desde pequena, Ade padece un estraño trastorno coñecido como Síndrome de detención do pestanexo, que lle impide abrir os ollos voluntariamente. Ás veces, durante cinco ou seis horas.

María é unha nai solteira cun fillo de oito anos atrapada nunha relación con Carlos, un home que foi revelando a súa verdadeira personalidade, resentida e violenta.

Nun planeta devastado, os vestixios da morte son as únicas testemuñas da existencia humana.

Unha actriz acode a un casting para un papel protagonista.

Un mozo é interceptado na rúa por unha traballadora dunha ONG que lle pide os datos para encher o seu formulario. O mozo aclara que non quere pagar nada e ela insiste en que só é un trámite.

Mario, un científico que realiza experimentos espectaculares nun avanzado centro de investigación alimentaria canda a súa colega Karla, procura a súa xefa Juana cando as novas políticas medioambientais para os empregados se volven insoportables.

Croazia, 2024-11 min.

Director: Dinko Bozanic.

Lidia quere explicarlle unha historia á súa irmá Marta, pero hai un problema: dá moito medo.

El último combate é unha viaxe á infancia de Ernest, que, chegando á fin dos seus días nunha residencia, confunde pasado e presente para volver ás súas lembranzas da Guerra Civil.

Irene sofre o acoso dun descoñecido na rúa. Asustada, acode ao seu pai, quen decide montala no coche para buscar o acosador. É entón cando Irene se decata de que o comportamento do seu propio pai non é tan diferente ao do home que a perseguiu.

Outono de 2005. A dixitalización avanza imparable e os videoclubs están en perigo de extinción. Mila, unha moza rebelde que herda o Videoclub 2001 tras a morte do seu pai, debe decidir se loita por mantelo vivo.

Vincenzo está na súa primeira cita con Sara e pídelle axuda a unha aplicación baseada en IA. Xorde unha historia de amor e organizan unha cita a cegas para os seus mellores amigos, aconsellando a ambos usar a IA.

Arturo acaba de visualizar coa súa clase A guerra das galaxias e están falando da diferenza entre o ben e o mal.

Dous irmáns levan anos afastados, sen saber das vidas do outro.

María cumpre 19 e despídese da súa nai para coller o tren á uni. É un xoves de marzo de 2004. 

Un home está a cavar unha fosa clandestina en metade do bosque pola noite, cando, de súpeto, é descuberto.

Ana (28) e a súa nai, Sonia (55), axudan a Gonzalo (58), pai de familia e vítima dunha doenza dexenerativa, a preparar unha posta en escena dirixida á filmación do seu propio suicidio, chegado o momento, en completa soidade.

Durante os últimos sete anos, Juan e Virginia non se viron ou non se quixeron ver. Ela foi a súa mestra durante os seus anos de instituto e, despois, fixéronse amigos.

Un grupo de amigas travestí cóase como cada noite na piscina municipal para lidiar coa calor do verán. A escuridade apértaas e a vexetación protéxeas da mirada do mundo. Pero esta noite é distinta.

Unha moza gandeira vive nunha aldea costeira case deshabitada, sumida nunha rutina da que non pode escapar. Vive co seu pai, a quen lle custa comunicarse con ela.

Díxose a si mesma que quería recuperar a súa vida, que volvería ser ELA. Quen sabe? Talvez el cambiou e todo volve ser como antes. Pero, e se segue sendo o mesmo home de sempre?

Nun camiño de terra desolado, Alfreda, Luisa e Carolina, tres monxas vestidas cos seus traxes tradicionais, volven en coche da misa nunha capela rural. De camiño, o seu coche pincha unha roda diante dunha polbeira.

Luca, un fotógrafo mozo, chega a unha aldea asturiana para traballar nun proxecto artístico. Alí, alóxase con Xuan, un veterano queixeiro marcado por un pasado de rumores e prexuízos.

Un home está só. Fai varias chamadas e ninguén responde, está moi só. Di que non vai saír esa noite, pero sae. Volve para a casa, máis alegre e máis vivo, pero peor. Bebe, consume drogas, escoita música, vólvese tolo.

Durante un día de caza no sur de España, un pai loita por aceptar que o seu fillo adulto se muda ao estranxeiro e lida coa sensación de sentirse só.